Пеџа Јовановски не мирува. Денови пред концертот во Охрид, српскиот пејач летуваше на Миконос со својата сопруга Ана.
Парот, кој стапи во брак во 2008 година, сподели фотографии од идиличниот одмор на грчкиот остров.
Пеџа и Ана имаат три деца, два сина и една ќерка. Тие досега два пати биле пред развод, но докажаа дека нивната љубов е поголема од сите брачни проблеми.
„Мојата поранешна сопруга веќе не е поранешна – сега повторно ми е сопруга. Ана е најголемата љубов во мојот живот. Постојано бевме на чекор до развод, но веќе нема да правам глупости и ќе им се посветам на вистинските вредности – семејството“ - изјавил тој за Blic.rs.
„Ниту јас веќе не знам колку пати се скаравме. Правно никогаш не се разведовме, иако бевме многу блиску до тоа. Мислев дека сум во право, а не бев. Сега ѝ се враќам на љубовта на мојот живот. Семејството е најважно од сè. Велат дека третата среќа е вистинска, па се надевам дека повеќе нема да има подеми и падови“ - додал тој.
Ана, која добива многу пофалби за изгледот по раѓањето на три деца, постојано споделува фотографии од своите авантури на прекрасни дестинации.
