Драган Б. Костиќ почина по кратко боледување. Имаше 75 години.
Тажната вест ја соопшти неговиот син Бане Костиќ со пораката:
Со длабока тага ги известуваме роднините, пријателите и познаниците дека утринава почина Драган Костиќ, сопруг, татко и дедо, на 75-годишна возраст.
Последна почит ќе се одржи утре, недела, 21 декември од 12:30 - 13:30 во капелата на гробиштата Бутел
Семејството изразува искрена и длабока благодарност до целиот тим и раководство на Државната неврохируршка клиника во Скопје, особено до д-р Благоја Шунтов, за грижата, посветеноста и хуманоста
Нека му е вечна слава и спомен
Патувај мирно Диско Селекторе
Костиќ ја започна својата кариера во Македонското радио. Најпознат е како водител на радио-емисиите „Диско селектор“ и „Заборави ако можеш“, а е автор и на неколку други радио-проекти меѓу кои „Радиоурнебес“, „Пријатели, добар ден“ и квизот „Јас ли сум на ред“.
Во 2024 година, со музичкиот настан насловен „Последниот танц“, тој ја одбележа својата 50-годишна кариера.