„Патувај кон прегратките на Господа“: Ребека со топло збогум за Владо Јаневски кој почина на 65 години

Владо Јаневски имаше многу пријатели помеѓу своите колеги и голем дел од нив со неверување ја примија веста за неговата смрт.

За да се збогува со легендарниот пејач, Ребека Јанковска Ристески сподели фотографија од нивната младост, кога заедно си кроеле планови за иднината.

Во описот таа напиша:

Е тука си правевме планови, кај нас дома, во Чаир, на мојот 24ти роденден. Ти ми кажа дека имаш хит песна за мене. И така бидна Мачо. Ти благодарам за музиката, дружбите и долгите дискусии за поезија и животот. Патувај кон прегратките на Господа. Царство небесно.

Јаневски почина по кратко боледување во болница во Скопје. Причината за смртта сè уште не е јавно откриена.