Лејтон Мистер и Адам Броди се од славните лица кои максимално ги затскриваат своите животи зад завесите на приватноста. Ѕвездите од „Gossip Girl“ и „The O.C.“ многу ретко се појавуваат заедно на холивудски свечености и се фотографирани во јавност.
Сепак, на голема радост на нивните фанови, популарните актери беа гости на забава по повод „Златен глобус“.
30-годишната актерка, кај нас позната по улогата на Блер Волдорф, носеше бел фустан од Galvan на забавата во Лос Анџелес.
Парот се вери во ноември 2013 година, а во февруари 2014 година стапи во брак. Година и пол подоцна ја доби ќерката Арло Деј Броди.
