На 12 јуни, петок со почеток во 21 часот, во арт-кафето „Концепт 37“ ќе се случи вистинско уживање за сите љубители на блузот. Добро познатиот Гуру Харе бенд ќе ја почести публиката со целовечерна свирка во интимниот и артистички простор на „Концепт 37“.
„Скопје знае да биде магичен во јуни, мирисот на липите, топлото време ги прави граѓаните пораздвижени, прозорците се секаде отворени и градот непрeстано пулсира. Сакавме ваквата атмосфера да ја надопoлниме со блуз нотите на нашиот најдобар блуз изведувач Гуру Харе. Би сакал да ги поканам сите љубители на добрата музика да повелат на терасата на Концепт 37 и да си дозволиме предозирање со звуците на блузот“, изјави Филип Најдоски, менаџер на Концепт 37.