„Ова што го доживеав во Скопје не се опишува со зборови“: Марија Шерифовиќ импресионирана од публиката во Македонија
Марија Шерифовиќ остана без зборови од прекрасната публика која го следеше нејзиниот концерт во Скопје и пееше на цел глас заедно со неа.
Српската пејачка настапуваше во Арената „Борис Трајковски“ и беше одушевена од атмосферата. Илјадници фанови, ѕвездено небо, громогласни аплаузи, јадење ајвар на сцената и неповторливи моменти ѝ го направија престојот во Скопје незаборавен.
По завршувањето на музичкиот спектакл, Шерифовиќ импресионирана сними видео во кое ги сподели своите импресии и благодарности до македонската публика.
„Сакам да изјавам за медиумите дека ова што го доживеав вечерва во Скопје и во Македонија не се опишува со зборови. Како што реков и на концертот, ме оставивте без текст. Не знам што да речам, не знам што се случи вечерва, кои планети и комети се споија, какви луѓе сте, каква публика сте, што е ова. Драги господа, беше неверојатно голема чест и задоволство да се пее за сите вас. Ве сакам до бесвест. Многу ви благодарам“ – вели таа во видеото.
Од Pragma Music Entertainment објавија и албум со фотографии.
Наскоро, Марија ќе објави влог со моменти од Македонија.
