Во саботата, на 28.01.2023 година, населбата Ѓорче Петров стана побогата за уште едно место кое ќе биде центар на добриот дизајн и квалитетниот мебел. Најновиот изложбено-продажен салон на Прима Мебел беше исполнет со љубопитни посетители кои освен што ги гледаа најновите дизајни на овој хрватски производител, уживаа и во вкусните закуски на шеф Марк де Јонг, како и во музичкиот избор на младиот диџеј Блу.
Бројот на присутните на овој одлично организиран настан само ја потврди оригиналноста на Прима која ja покажува не само сега, туку и во делот на производството, дизајнот, изборот на бои и ткаенини и модуларност со што им излегува во пресрет на своите потрошувачи од сите генерации.
Но, она што за нас беше новина е најновата услуга којашто Прима започна да им ја нуди на своите клиенти, наречена Внатрешен дизајн на ентериер. Со оваа услуга секој заинтересиран може да побара од идејно решение до реализација на идејата, бидејќи како што велат оттаму, е многу лесно затоа што во својот асортиман можат да понудат мебел за секој дел од домот.
„Сѐ започна со идејата да се прикаже нашиот дизајн пред луѓето коишто гравитираат во оваа населба, изнесувајќи ги на виделина нашиот квалитетен мебел, пристапните цени, големите попусти и најновите услуги што Прима им ги нуди на своите клиенти. Со тоа ја покажуваме нашата мисија започната пред 25 години кога од мала работилница станавме фабрика со 2000 вработени и голема мрежа на продажни салони, решавајќи ги сите замисли на иновативен начин“, велат од Прима.
Комерцијален текст