Маја Андоновска-Илијевски шармираше на отворањето на 46-тото издание на Интернационалниот фестивал на филмската камера „Браќа Манаки“.
Талентираната актерка, која до почетокот на оваа година беше директорка на Центарот за култура-Битола, изгледаше отмено на црвениот тепих облечена во кралско сина сатенска креација.
На свеченоста во Битола, Маја беше придружувана од својот сопруг Ице Илијевски.
Уште пред да зачекори на црвениот тепих, таа сподели со своите фанови фотографии од својот изглед.
Битола во следните седум дена ќе изобилува со филмска магија во улога на домаќин на најстариот фестивал на филмска камера во светот. Слоганот оваа година е „Сон на платно“.
Фото: Ивона Кочов, Александар Василевски / Femina.mk