Војвотката Кетрин, принцот Вилијам, принцот Џорџ и принцезата Шарлот беа дел од прославата по повод роденденот на кралицата Елизабета II.
Од балконот на Бакингемската палата, целото семејство ја поздрави големата толпа и го проследи спектаклот на Кралските воздушни сили.
Кетрин носеше елегантна комбинација во нежна сина нијанса. Фустанот е дело на модната куќа Александар МекКвин, додека шапката е со потпис на Џулиет Ботерил.
На церемонијата „Trooping the Colour“, Кетрин пристигна со Вилијам, а потоа се возеше во кочија со Камила, војвотката од Корнвол.
„Trooping the Colour“ е официјалната прослава за роденденот на кралицата и секоја година се одржува во сабота во текот на јуни. Годинава Елизабета наполни 92 години.
