Знаевте ли кој се крие зад Gossip Girl?
Синоќа беше емитувана последната епизода од хит серијата „Gossip Girl“. Милионите обожаватели ги видоа последните авантури на привилегираните жители од Upper East Side.
(Доколку сакате да се изненадите од крајот на „Gossip Girl“, сега е време да престанете да читате)
По стотици измами, неверства, заговори, среќни и несреќни врски, завршија приказните на Серена ван дер Вудсен (Блејк Лајвли), Блер Волдорф (Лејтон Мистер), Чак Бас (Ед Вествик), Нејт Арчибалд (Чејс Крафорд), Ден Хамфри (Пен Баџли) и многу други ликови.
Благодарение на фотографиите од папараците, многу фанови на серијата знаеја дека ги очекуваат две свадби.
Конечно Блер го тргна свршеничкиот прстен од вратот и му стана сопруга на Чак. Привлечната невеста блескаше во син фустан од Ели Сааб.
Последната епизода го откри и идентитетот на личноста зад мистериозниот блог кој ги тресеше животите на главните ликови. Зад Gossip Girl цело време стоеше никој друг, туку Ден.
Да, да, Ден!
Епизодата скокна и „пет години подоцна“, на денот на свадбата на Серена и Ден. Русокосата бунтовничка му рече „Да“ на осаменото момче.
Од последните минути стана јасно дека Нејт се кандидира за градоначалник на Њујорк и дека Чак и Блер добија син кој е копија на својот татко.
Серијата заврши со гласот на Gossip Girl, која објави дека продолжува да живее. „Who Am I Now? That's One Secret I'll Never Tell. XоXо, Gossip Girl.“