„Девојки како нас“ е мотивирачко видео во кое учество зедоа осум успешни македонски спортистки. Целта е да се промовира женскиот спорт во Македонија, а придобивките од спортувањето се истакнуваат преку мотивациските пораки на спортистките. Секоја од нив е хероина во својата спортска дисциплина и секоја стои како доказ за позитивното влијание на спортот во животот.
Погледнете го видеото и инспирирајте се од приказните на спортистките чии животи биле трансформирани со моќта на спортот:
Пораката што ја споделуваат спортистките е „Придружи ни се! Биди моќна! Спортувај!“
Едина Муса
“
Спортот ме научи да бидам самостојна.
Лина Ѓорческа
“
Спортот ме научи да живеам динамично.
Теодора Димоска
“
Спортот ме научи на храброст.
Гордана Цветковска-Бошевска
“
Спортот е моето сѐ, инспирација и мотивација.
Силвија Митевска
“
Спортот ме научи како да го живеам својот сон.
Елена Зисовска
“
Спортот за мене значи слобода.
Ана Јаневска
“
Спортот ме научи да имам самодоверба.
Дрита Ислами
“
Спортот за мене значи борба, а не откажување.
Видеото „Девојки како нас“ е снимено во склоп на иницијативата на ТАКТ да им се даде поддршка на жените кои сакаат да се занимаваат со спорт и да се обезбеди родова еднаквост на полето на спортот.
ТАКТ (Together Advancing Common Trust) е спортска граѓанска организација чија цел е постигнување на родова еднаквост во спортот во Македонија. Визијата на оваа организација е општество во кое секој може рамноправно да живее, во кое постои дијалог помеѓу заедниците и во кое нема родова и социјална дискриминација.