Орландо Блум има нова љубов, по разделбата со Кети Пери започна врска со 28-годишна убавица

Орландо Блум повторно се заљуби.

Месеци по разделбата со Кети Пари, 49-годишниот актер започна врска со 21 година помладата Луиза Лемел. Парот за првпат беше фотографиран заедно додека рака под рака го напушташе овогодишниот Супер Боул.

Извори блиски до парот тврдат дека Орландо и 28-годишниот швајцарски модел „дискретно се гледаат“ веќе неколку месеци и дека минатата недела уживале во романтичен одмор во Швајцарија, каде што Блум ги запознал нејзините пријатели и дел од семејството.

Двојката престојувала во луксузен апартман во хотелот „The Dolder Grand“ во Цирих. 

Блум и Пери се разделија минатата година по речиси една деценија врска. Поранешниот пар има 5-годишна ќерка, Дејзи, и за нејзино добро, сé уште негува добри односи.

Пејачката веќе продолжи понатаму и е во врска со канадскиот политичар Џастин Трудо.