Опсесија: Запознајте ја жената која има потрошено над 1,5 милиони долари за да живее во розов свет

Запознајте ја Китен Кеј Сера, жената која е опседната со розовата боја и има вложено над 1,5 милиони долари за буквално да живее во комплетно „розов свет“.

52-годишната Американка сега живее во Холивуд и негува силна страст кон розовата боја. Веќе 35 години единствената облека која ја носи Сера е во нејзината омилена боја.

Китен изјавила дека смета дека розовата боја е моќна. „Да носам нешто друго освен розова облека е невозможно за мене. Розовата боја стана мој живот и морам да признам дека тоа е олеснување. Кој сака да се мачи со координирање на бои? За мене, розовата боја е моќна“ – вели таа.

Китен и официјално беше прогласена за Најрозова личност на светот според „Рипли, верувале или не“.

Целиот дом на Китен, секој предмет, па дури и нејзиното кученце е бојадисано во розово. „Се гордеам што сум розово фламинго во свет на гулаби. Тоа отсекогаш беше мој сон. Јас дури и ја продадов мојата кола за да дојдам во Холивуд и да започнам да ја градам мојата кариера, но никогаш не ги продадов моите розови предмети“ – објаснува Китен.

Сера има направено фотосесии со бројни славни личности и многу од ѕвездите и модните брендови го имаат позајмено нејзиниот дом за снимање на кампањи и фотосесии.