Во сабота, на 6 јуни, од 11:00 до 14:00 часот, во прекрасниот амбиент на Grizzly Igloos на езерото Козјак, брендот O'Plant и компанијата Подравка ве покануваат на O'Plant Day – уникатен настан посветен на движењето, здравата исхрана и балансираниот животен стил.
Под мотото „Енергија. Баланс. Релаксација.“, посетителите ќе имаат можност да поминат низ три тематски зони и да уживаат во бројни интерактивни активности, дегустации и забавни предизвици инспирирани од вредностите на брендот O'Plant.
Во O’Plant Energy зоната посетителите ќе можат да ја тестираат својата енергија преку забавни предизвици со Даниел Трбогазов (mojtrener.mk), интерактивна вендинг машина и специјалeн „Bike & Blend” предизвик со велосипеди со блендери за подготовка на освежителни O'Plant напитоци. Присутните ќе ги забавуваат „Ana & The Girls“.
Во O’Plant Balance зоната, заедно со фитнес инструкторката Кети Фит, ќе се одржат пилатес и баланс сесии на отворено, проследени со инспиративни идеи за здрави оброци и дегустација на производи од O'Plant асортиманот.
За оние кои сакаат да уживаат во природата и добрата атмосфера, O’Plant Relax зоната ќе понуди музика од диџеј, дружење, освежителни O'Plant производи и незаборавен поглед кон езерото Козјак.
Посетителите ќе имаат можност да освојат и бројни O'Plant подароци преку забавни активности и предизвици во текот на настанот.
Преку O'Plant Day, компанијата Подравка сака да покаже дека здравите навики не мора да бидат комплицирани – тие можат да бидат забавни и лесно вклопени во секојдневниот живот.
Ги покануваме сите љубители на активниот животен стил, природата и добрата енергија да ни се придружат во Grizzly Igloos на езерото Козјак и заедно да создадеме ден исполнет со движење, баланс и уживање. Влезот е слободен.