„Огромно БРАВО и длабока почит за овој ЧОВЕК“: Возач на автобус во Скопје ги засолнил патниците од бурата и безбедно ги однел дома

Невремето кое вчера го зафати Скопје предизвика огромна материјална штета и кај многу граѓани внесе страв и неизвесност. 

Во тие тешки моменти, возач на автобус на ЈСП ги засолнил патниците на безбедно, а откако бурата стивнала, ги однел до нивните домови. 

Далиборка Младеновска, која била меѓу патниците во автобусот на линијата 65 кон Раштак, на социјалните мрежи го пофали неговиот човечки и професионален потег, истакнувајќи дека ни се потребни повеќе херои како него.

Јас се зезав со ЈСП, ама во маката навистина се познаваат јунаците!

На Битпазар нè зафати страшно невреме – летаа парчиња од зградата директно во автобусот (65 за Раштак), дрва паѓаа на сите страни... Но, шоферот остана смирен и прибран! Не само што не однесе на сигурно во гаражата во Автокоманда, туку почека да помине најлошото и потоа нè однесе сите безбедно до дома – не нè истовари на немилост на временските непогоди.

Огромно БРАВО и длабока почит за овој ЧОВЕК! Светот има потреба од повеќе вакви професионалци и луѓе со срце.👏 Бaраме повеќе вакви херои! ❤️