Огромен успех: Македонскиот филм „Приказната за Силјан“ на Тамара Котевска со ДВЕ номинации за Еми награда

Македонскиот филм „Приказната за Силјан“, во режија на Тамара Котевска, освои две номинации за престижните награди Еми.

Третото филмско остварување на Котевска е номинирано во категоријата Exceptional Merit In Documentary Filmmaking (Исклучителен придонес во документарното филмско творештво) во која ќе се бори за статуетка со „The Librarians“.

Втората номинација е во категоријата Outstanding Cinematography For A Nonfiction Program (Извонредна кинематографија за документарна програма) во конкуренција на „My Mom Jayne: A Film By Mariska Hargitay“, „Ocean With David Attenborough“, „Tucci In Italy“ и „The Yogurt Shop Murders“.

„Приказната за Силјан“ беше македонски кандидат за Оскар, квалификуван во две категории – Најдобар странски филм и Најдобар документарец, но за жал, не влезе во потесната трка за реномираната награда.

Откако минатата година ја освои Cinema & Arts Award (Наградата МУЗА) на 82-рото издание на Филмскиот фестивал во Венеција, филмот доби многу други награди и признанија низ светот.

Инспириран од народната приказна за момчето Силјан, кое по кавга со татко му се претвора во штрк и го напушта својот дом, „Силјан“ претставува современа приказна за судбината на Источна Македонија, преку односот на еден земјоделец со бел штрк, како метафора за човечкиот опстанок, нежноста и надежта.

Трејлер за „Приказната за Силјан“

Доделувањето на Еми наградите ќе се одржи на 14 септември во Лос Анџелес.