Реномираниот фотограф Марио Тестино го фотографираше кралското семејство непосредно по крштевката на малата принцеза Шарлот.
Официјалните фотографии беа направени изминатата недела по церемонијата во црквата Св. Марија Магдалена во Сендрингам, Норфолк.
Шарлот е облечена во рачно изработена реплика на традиционалниот фустан од деликатна тантела и бел сатен кој бил носен од секое бебе родено во кралското семејство од 1841 година до денес.
Војвотката Кетрин изгледа отмено во палто од Александар МекКвин и шапка од Џејн Тејлор, додека малиот принц Џорџ е облечен во црвено-бела облека инспирирана од аутфит кој принцот Вилијам го носеше пред 30 години.
Покрај Кетрин, Вилијам и малите деца, на фотографијата се и кралицата Елизабета, принцот Филип, принцот Чарлс и сопругата Камила, како и родителите на Кетрин и нејзините брат и сестра.
Британската принцеза се роди на 2 мај и го доби името Шарлот Елизабета Дијана. Кралскиот пар го избрал името Елизабета во чест на бабата на Вилијам, сегашната кралица Елизабета II, а името Дијана во чест на мајката на Вилијам, покојната принцеза Дијана. Името Шарлот има француско потекло и е женска верзија на Чарлс, со што му се оддава чест на принцот Чарлс.
