Од почит кон мајките: Принцот од Дубаи го заменува „домаќинки“ со „обликувачи на генерации“

Во чест на Денот на мајката, принцот од Дубаи, Хамдан бин Мохамед Ал Мактум, испрати силна порака за улогата на жените кои се грижат за домот и семејството.

Тој објави дека институциите во емиратот ќе го заменат терминот „housewife“ (домаќинка) со ново признание, „Generation Shaper“ („Обликувач на генерации“), нагласувајќи дека мајките имаат незаменлива улога во создавањето на иднината.

„Мајките се првото училиште за своите деца, местото каде што тие учат припадност, одговорност и вредности што градат силни нации“ – порача принцот.

Иницијативата е симболичен чин на почит кон милионите жени чија работа во домот често останува невидлива, но суштинска за општеството. Со новиот назив, властите сакаат да испратат порака дека воспитувањето на децата и градењето стабилно семејство е една од најважните општествени улоги.

„На сите наши мајки... ви благодариме. Вие сте темелот на сѐ што е добро“ – стои во пораката на принцот објавена по повод празникот.

Mothers are the first school for their children, the place where children learn belonging, responsibility and the values that shape strong nations.
Today, to mark Mother’s Day, we have directed the Community Development Authority to adopt the title “Generation Shaper” instead of…

— Hamdan bin Mohammed (@HamdanMohammed) March 21, 2026

Овој потег предизвика позитивни реакции на социјалните мрежи ширум светот и многумина ја поздравија идејата дека мајчинството и домашниот труд заслужуваат поголемо признание.

الأم هي المدرسة الأولى... وهي التي تصنع البداية... وترسم الطريق... وتغرس في أبنائها معنى الانتماء والمسؤولية... ومعنى أن يكونوا أهلاً لثقة وطنهم.

وجهنا اليوم هيئة تنمية المجتمع باعتماد مسمى «صانعة جيل» بدلاً من «ربة منزل» تزامناً مع يوم الأم العالمي، تقديراً لدورها الذي لا يمكن… pic.twitter.com/0jCG69Bae1

— Hamdan bin Mohammed (@HamdanMohammed) March 21, 2026