Меланија Трамп се најде во центарот на вниманието, но овој пат не поради модниот погодок, туку поради необичниот моден избор.
Првата дама на САД беше фотографирана како доцна навечер излегува од претседателскиот авион заедно со сопругот Доналд носејќи големи црни очила за сонце.
Парот се враќаше во Белата куќа по викенд поминат во Палм Бич, Флорида, а вниманието на јавноста го привлече фактот што Меланија носеше очила за сонце иако надвор беше темница. Во својот стајлинг, таа вклучи сив широк капут, црни кожени ракавици и високи црни чизми со врвки, додека претседателот се појави во темен капут и ракавици.
На социјалната мрежа X веднаш се појавија бројни коментари. Дел од корисниците се прашуваа зошто би носела очила за сонце навечер, додека други ја пофалија дека е секогаш одлично облечена.
„Навистина? Очила за сонце навечер?“, „Изгледа смешно со очила во темница“, „Таа е најдобро облечената Прва дама на САД“, „Ана Винтур постојано носи очила за сонце. Меланија може да носи што сака“, „Луѓето не сфаќаат колку блицови светат во нив“ – беа само дел од реакциите.
Melania Trump bizarrely wore sunglasses at night as she exited the Air Force One on Monday (February 16). Click the link in bio for more 🔗
Појавувањето во Вашингтон доаѓа кратко по премиерата на нејзиниот документарен филм „Melania“, кој ги следи деновите пред инаугурацијата во јануари 2025 година.
