„Не купувајте облека од недоверливи интернет страници“ – оваа порака ја испраќаат стотици жени кои биле намамени од прекрасните фотографии да нарачаат фустан онлајн, а кои добиле сосема поразлична верзија.
Претставнички од понежниот пол секојдневно споделуваат фотографии од фустаните кои ги нарачале онлајн од сајтови како Ebay, Rosegal, Dresslily и Aliexpress, и оние кои им биле испорачани. Facebook страницата „Knock Off Nightmares“ има за цел да информира дека не можете да добиете дизајнерска облека за смешна цена.
„Нема да го добиете фустанот од фотографијата, туку ќе ја добиете нивната евтина верзија, а вашата реакција може да варира од „Во ред, можам да го носам ова“, до „Не, не би го носела ова ни во моите најлоши денови“. Не можете да знаете што ќе добиете зашто препораките се недоверливи, креаторите на сајтовите сами си ги пишуваат препораките“ – тврдат од сајтот.
