Новогодишна магија на Детската клиника: Дедо Мраз и омилените детски ликови донесоа радост кај малите пациенти во Скопје

Радоста се рашири во Клиниката за детски болести во Скопје.

Малите пациенти добија изненадување, кое накратко им ги одвлече мислите од битките кои секојдневно ги водат и им измами насмевки. Дедо Мраз со омилените ликови од детските филмови се појавија во Детската клиника и им поделија новогодишни пакетчиња на дечињата хоспитализирани таму.

Од Клиниката споделија фотографии и напишаа:

Новогодишна магија на Детската клиника  
Дедо Мраз, заедно со омилените јунаци од детските филмови, донесе насмевки и новогодишни пакетчиња за децата хоспитализирани на Клиниката за детски болести.

Акцијата е дел од традиционалната иницијатива на Црвениот крст на Град Скопје, реализирана во соработка со Секторот за полициски работи и Воздухопловната единица на МВР.