Ново изненадување! 23-годишната Мили Боби Браун и синот на Џон Бон Џови го посвоија второто дете
Мили Боби Браун и нејзиниот сопруг Џејк Бонџови ја изненадија јавноста со нова прекрасна вест.
Речиси една година откако станаа родители, 23-годишната актерка и 24-годишниот актер го проширија семејството со уште едно бебе. Двете нивни деца се посвоени.
Ѕвездата од „Stranger Things“ и синот на музичарот Џон Бон Џови ја споделија и првата фотографија од нивното бебенце, откривајќи дека станува збор за момче.
На заедничката фотографија објавена на Instagram се гледа малата рака на бебето, а гордите родители напишаа: „Здраво, малечок!“.
Во август 2025 година, Мили ја изненади јавноста со веста дека со Џејк станале родители на девојче.
„Ова лето, ја добивме нашата мила ќеркичка преку посвојување. Превозбудени сме што го започнуваме ова следно поглавје на родителството во мир и приватност... И тогаш станавме тројца“ - напиша тогаш актерката.
Мили и Џејк се венчаа во 2024 година на интимна церемонија, а само една година подоцна го проширија семејството.
Мили во минатото отворено зборуваше за желбата да посвојува деца. Во неодамнешно интервју, таа откри дека посвојувањето отсекогаш било дел од нејзините детски соништа, покрај желбата еден ден да има и биолошки деца.