Принцот Вилијам и војвотката Кетрин објавија нови фотографии од малата ќерка, која на почетокот на ноември наполни шест месеци.
Двете фотографии од принцезата Шарлот Елизабета Дијана се направени од војвотката Кетрин, а беа објавени на профилот на Кенсингтонската палата на Twitter.
Шарлот се роди на 2 мај во болницата „St. Mary“ во Лондон и за првпат беше претставена пред светот истиот ден.
Во јуни беа објавени првите фотографии од принцезата Шарлот и нејзиниот брат принцот Џорџ. И тогаш зад објективот застана нивната мајка.
