Ели Сааб ја претстави колекцијата „La Nouvelle Cour“ која го слави безвременскиот дух на жената што владее со стил, самоувереност и доза непослушност.
Ревијата во Париз потсетуваше на таен кралски двор исполнет со модерни музи. Манекенките влегуваа со невидена грација, носејќи беспрекорно кроени фустани кои фасцинираа со деталите.
Либанскиот дизајнер се инспирирал од елеганцијата на Марија Антоанета. „Сакавме да се навратиме на таа ера, бидејќи младите жени ја обожаваат со ексцентричните стилови и драматичниот волумен“ – појаснил тој.
Сааб ги модернизира класичните кодови на аристократијата и си поигра со пастелни нијанси кои асоцираа на макаронс колачиња. Преку силуети што изгледаат вајано, раскошни корсети и неочекувани обеми, како и цветни мотиви кои блескаат како тапет од еден гламурозен сон, модниот волшебник создаде смела и сензуална колекција.
