Футуристички ентериер, комплетно различно корисничко искуство и допир со дигитализацијата од прва рака – накратко, вака изгледа новоотворената продавница на Македонски Телеком во Ист Гејт мол.
Уште од самиот влез, може да се забележи дека фокусот на продавницата е да го збогати корисничкото искуство. За првпат, корисниците на Телеком добиваат можност за самопослужување, така што можат да платат сметка, да нарачаат уред или да ги проверат понудите дигитално и на своја рака.
Возбудлива новина е и системот за чекање, кој му дозволува на корисникот да одбере термин кој најмногу му одговара и да добие СМС известување кога најбрзо може да биде услужен.
Македонски Телеком одлучи во оваа продавница да не се користат печатени, туку дигитални ценовници, со што ја продолжува мисијата за одговорно еколошко и општествено работење. Идејата ја надополнуваат и зелените еко ѕидови и новиот концепт на зелен плафон (Green ceiling), кој покрај декоративна, има и еколошка функција – на природен начин да го чисти воздухот.
Отворањето на новата продавница е закажано за денеска, 29 октомври. За да го прослави отворањето, Телеком подготви посебна понуда за корисниците: Секој што ќе купи смартфон од оваа продавница ќе добие попуст и до 5.000 денари. Понудата трае од 29 до 31 октомври.
Комерцијален текст