Шакира има нова љубов. Колумбиската музичка ѕвезда беше фотографирана со мексиканскиот актер Мануел Гарсија Рулфо во Лос Анџелес.
Фотографиите потврдуваат дека меѓу нив има многу повеќе од обично пријателство. Тие си разменуваа бакнежи и се држеа за раце додека очекуваа автомобилот да им биде донесен пред хотелот „Sunset Tower“.
Како вистински кавалер, Мануел ѝ ја отвори вратата од автомобилот на Шакира, пред да се упати на возачкото седиште.
По бурното раскинување со Жерар Пике во 2022 година, Шакира конечно е подготвена да сврти нов лист. Сепак, таа и Мануел сè уште немаат јавно потврдено дека се во врска.
49-годишната пејачка има две деца од врската со Пике.
