Со редуцирана публика, без црвен тепих, без филмска програма и без странски гости помина 41-вото издание на Интернационалниот фестивал на филмска камера „Браќа Манаки“.
Пандемијата значително го стиши гламурот кој се асоцира со фестивалот посветен на Јанаки и Милтон Манаки, но сепак, со кратка манифестација беше одбележано годинешното издание.
Во Пациото на НУ Завод и музеј Битола беа присутни претседателот Стево Пендаровски и неговата сопруга Елизабета Ѓоргиевска, битолската градоначалничка Наташа Петровска, американската амбасадорка Кејт Мари Брнз, директорката на фестивалот Гена Теодосиевска, претседателот на Друштвото на филмски работници Игор Иванов, министерката за култура Ирена Стефоска и уште десетици гости кои со маски и на дистанца ја проследија церемонијата.
Директорката на Центарот за култура Маја Андоновска Илијевски влезе во улогата и на водителка и на домаќин, а Столе Попов беше почесен гостин како добитник на наградата „Голема ѕвезда на македонскиот филм“.
Погледнете фотографии од свеченоста во Градот на конзулите:
И годинава, маркетинг агенцијата „Меккен Скопје“ застана зад креативното решение со слоганот „Glance Over The Fence“.
