Нина Бадриќ блесна во Вела Лука, каде се одржа спектакуларен концерт во чест на Оливер Драгојевиќ.
На манифестацијата „Trag u beskraju“ (Трага во бескрајот), 54-годишната пејачка се појави во прекрасен фустан со цветен дезен и впечатливи широки асиметрични ракави. Елегантната креација со гол грб, ја следеше линија на телото, а 54-годишната музичарка ја надополни со нежна шминка, „залижана“ фризура и масивни обетки.
Хрватската ѕвезда изведе дел од најголемите хитови на легендарниот пејач на сцената во неговиот роден град, во друштво на колегите Јаков Јозиковиќ, Матија Цвек и Марко Тоља.
„Кога и да го слушам Оливер, каде и да сум во светот, јас гледам море. Мислам дека тоа е тајната на таа негова енергија, убавина на гласот и музикалност. Пред сѐ, тој беше најмузикалниот музичар на овие простори" - изјави таа непосредно пред настапот.