Николас Кејџ денес бил уапсен во Њу Орлеанс под обвинување за домашно насилство и нарушување на мирот.
47-годишниот актер сè уште се наоѓа во притвор, пишува TMZ.
Алис Ким и Николас Кејџ
Според извори запознаени со случајот, Николас бил многу пијан на улица и се расправал гласно со неговата сопруга, Алис Ким. Полицијата ја повикал таксист кој го видел Кејџ како ја турка Алис.
Кога пристигнале, полицајците им рекле на Алис и Кејџ да влезат дома. Но, Кејџ ги предизвикувал со зборовите: „Зошто едноставно не ме уапсите?“. Полициските службеници уште еднаш го замолиле да влезе дома, но тој повторно им го повторил истото. Па, немајќи друг избор, тие го уапсиле.
Алис Ким е трета сопруга на Кејџ, а со неа холивудскиот актер има 5-годишен син. Таа не сака да поднесе обвинување против Кејџ и изјавила дека немало физички контакт.
Ова не е прв пат Кејџ да има проблеми со законот. Во 2009 година тој затаил повеќе од 6 милиони долари данок и го тужеше својот финансиски менаџер за лоши финансиски совети.