Никола Јокиќ тежи стотици милиони долари, а ужива со ќеркичките на базен каде влезот чини само 100 денари
Славата и богатството не го промениле Никола Јокиќ.
Иако е еден од најдобрите кошаркари во светот и заработува стотици милиони долари, летниот одмор повторно го поминува во родниот крај, далеку од луксузните јахти и егзотичните ресорти кои би ги избирале многу спортски ѕвезди.
Јокиќ деновиве беше фотографиран на јавниот базен во Кљајиќево во близина на Сомбор, каде уживаше во друштво на семејството и пријателите. Голем дел од времето тој поминал учејќи ги ќеркичките како да пливаат.
Фотографијата на X ја сподели Билјана Лукиќ која напиша:
Никола Јокиќ вчера беше забележан на јавниот базен во Кљајиќево, недалеку од Сомбор.
Јокиќ уживаше во друштво на семејството, пријателите, а најмногу со децата...Магичниот Никола!!! 😎✨👑
Nikola Jokić viđen juče na javnom bazenu u Kljajićevu, nedaleko od Sombora.
Jokić je uživao u društvu porodice i prijatelja, a najviše dece...
Magični Nikola !!! 😎✨️👑 pic.twitter.com/a3kdQC0XgO— Biljana Lukić (@LukicBixilux) July 21, 2026
Интересно е што влезницата за базенот чини само 200 динари за возрасни, односно околу 100 денари, додека за децата цената е 150 динари (околу 80 денари).
Ова не е првпат Јокиќ да избере едноставен начин на одмор. И кон почетокот на ова лето беше на традиционален рафтинг на реката Тара, а познато е дека секогаш кога има слободно време се враќа во Сомбор.
Никола пред неколку недели ја доби поддршката од ќеркичките и сопругата на натпреварот со Босна и Херцеговина.
По летната пауза, Јокиќ повторно ќе ги облече боите на српската репрезентација во продолжението од квалификациите за Светското првенство, а потоа ќе им се приклучи на Денвер Нагетс во подготовките за новата НБА сезона.