„Ние сме луѓе покрај сè“: Ирина Шајк, Кендис Сванапул и Џоан Смолс во фотосесија за „Вог“ Грција

Ирина Шајк, Кендис Сванапул и Џоан Смолс снимија нежна фотосесија за грчкиот „Вог“.

Трите супермодели со емоции позираа пред фотоапаратот на британскиот фотограф Рован Папие за декемвриското издание посветено на нашата колективна хуманост и моќта која сите ние ја имаме да правиме добри дела и да возвраќаме на добрината.

Годината која изминува несомнено го промени светот и нè промени сите нас. Во интервјуто за грчкото списание, трите модели зборуваа за важноста на активизмот во ваквите тешки времиња.

Ирина Шајк е волонтерка во „Food Bank For New York City“ и „RIVER FUND“, организации кои помагаат да се прехранат луѓето кои не можат да си дозволат храна.

Кендис волонтира во организацијата „Mothers2Mothers“ која помага за спречување на преносот на вирусот ХИВ од мајка на дете во Африка.

Џоан е поддржувач на движењето „Black Lives Matters“ и е коосновач на организацијата „Donate My Wage“.

„Го ценам тоа што се потенцира дека да бидеш човек значи да имаш сочувство, скромност и да го дадеш твоето време, твоето присуство и твоите ресурси за да го направиш овој свет малку подобар“ – вели таа.