Незаборавен дочек: Тамара Грујеска со аплауз и прегратки беше пречекана во школо од соучениците
Тамара Грујеска никогаш нема да го заборави начинот на кој беше дочекана од своите соученици по настапот на детската Евровизија.
Кога македонската претставничка пристигна во своето училиште во Гостивар, доби аплауз и прегратки, а многу дечиња го извикуваа нејзиното име.
„Ви благодарам од срце за прекрасниот и незаборавен дочек омилени мои соученици!“
„Благодарност до ООУ „Гоце Делчев” - Гостивар, директорката Гордана Мојсовска и омилените наставнички Тодорка Крајческа и класна Мира Ангелковска! Ве сакам сите!“ – напиша Тамара на Instagram.
Тамара изминатиот викенд ја претставуваше нашата земја на јуниорската Евровизија со песната „Кажи ми, кажи ми кој“.
