Нежни, деликатни, романтични и женствени... венчаниците на Михано Момоса лесно си го пробиваат патот до срцата на дамите кои планираат да го кажат судбоносното „Да“.
Српската модна куќа ја престави невестинската колекција за 2018 година, а 14-те креации инстантно мамат воздишки.
„Главната замисла зад секоја колекција на Михано Момоса отсекогаш била љубовта и секој модел креиран кога било во модната куќа ја предава оваа емоција на свој начин. Невестинските фустани секогаш биле како круна на секоја колекција, поради нивната намена да ја слават љубовта. Идејата да се посвети цела колекција на невестински фустани дојде природно за Михајло Анушиќ“ – се вели во пораката на брендот за чекорот на дизајнерот да создаде колекција венчаници.
Концептот на Анушиќ за секој фустан е да има негова порака, па така рачно се испишани пораки како: „Вечност“, „Херој на моето срце“, „Ти припаѓам тебе“, „Засекогаш“ и сл.
