Невеста со стил: Венчаницата и чевлите на Каролина Гочева се дело на славни италијански дизајнери

Изминатите денови свадбата на Каролина Гочева и Михаил Корубин беше најпопуларна забавна тема во Македонија.

37-годишната музичка ѕвезда блесна во венчаница со чипка во винтиџ стил, а сега стана јасно чие дело е невестинскиот фустан.

Шармантната креација доаѓа од ателјето на италијанскиот дизајнер Ермано Шервино, а македонската убавица најверојатно ја набави за време на летниот одмор со саканиот во Италија.

На најсреќниот ден од својот живот, Каролина носеше и сандали од Џанвито Роси.

Деталите за невестинскиот стајлинг на популарната пејачка ги сподели нејзината стилистка Цаци Пакоска.

Во текот на прославата, Гочева промени уште еден фустан.

Свадбената торта беше едноставна и декорирана со иницијалите на младенците.

Венчавката се одржа на спортскиот аеродром „Стенковец“, во близина на Скопје.