Кучето Реган и малиот Бади се слатки пријатели кои секојдневно освојуваат сè повеќе срца со нераскинливата врска и пренесуваат силна порака за децата кои чекаат да бидат згрижени или посвоени.
Бади и Реган се запознале кога имале само 11 месеци откако малото момче (чие вистинско име не се открива) било згрижено во семејството Свиридоф. Тие веднаш се приврзале еден за друг и сега се неразделни. Процесот за посвојување на Бади е во тек.
„Тие имаат многу специјална врска. Се обожаваат меѓусебно. Тие делат сè заедно, од родендените, до храната, до дремките. Започнав да ги облекувам складно за да ја покажам нивната специјална врска. Нивната неодоливост и моќната врска ме тераат да се смеам.“
„Се однесуваат како браќа, си ги крадат играчките еден на друг, се бркаат и трчаат заедно. Кога малиот Бади јаде, Реган седнува на своето столче, а Бади тајно му дава храна“ – вели сопственичката на Реган, која набрзо ќе му биде баба на Бади.
Целта на Instagram профилот Reagandoodle е да се подигне свеста за згрижувањето деца.
