Благица и Александар Зикови снимија професионална фотосесија со четирите дечиња по повод новогодишните празници.
Родителите од Штип, кои ја добија четворката по четири години борба со неплодноста, позираа со неодоливите Михаил, Теодор, Ведран и Леонтина.
Дечињата, кои во октомври наполнија една година, се облечени во преслатки новогодишни комбинации.
Благица и Александар ги добија своите малечки по неколкугодишни обиди за зачнување.
„Четири години се боревме со неплодност. Првото инвитро ни беше неуспешно и по две години пак се одлучивме да пробаме... Како што велат постарите: ‘Ако желбата ти е голема, Господ ти подарува’“.
„Тоа чувство не може да се опише со зборови. Волшебно нешто. Прекрасно, радосно, необјасниво чувство, само си реков во себе: ‘Ти благодарам Боже за овој дар што ми го подари да станам мајка на четири дечиња истовремено’“ – рече Благица за Femina.mk.
