Принцезата Шарлин плени со ненаметлива елеганција. 47-годишната поранешна пливачка со беспрекорен стајлинг привлекуваше погледи на настан во чест на нејзиниот сопруг, принцот Алберт.
На свеченоста со која беше одбележана 20-годишнината од стапувањето на Алберт на тронот, неговата животна сопатничка се појави во минималистичка тоалета во нежни тонови, префинет накит и отмена фризура.
Нејзиниот стајлинг, кој вклучуваше фустан од Оскар де ла Рента и бели обувки од Џанвито Роси, беше олицетворение на кралска воздржаност, но и модна префинетост.
Шарлин и Алберт беа во придружба на многу членови на семејството Грималди, како и нивните две деца – принцот Жак и принцезата Габриела.
