Неискрени насмевки? Џенифер Лопез и Гвинет Палтроу за првпат позираа заедно по препирките во 90-тите години

Џенифер Лопез и Гвинет Палтроу за првпат беа фотографирани заедно на доделувањето на наградите Women In Entertainment на Hollywood Reporter по нивните несогласувања во 90-тите години.

Двете актерки позираа една покрај друга со добиените награди, но многумина коментираат дека нивните насмевки се „неискрени“ и дека тоа е само „шоу пред камерите“.

Гвинет Палтроу се има повеќепати состанувано со поранешниот сопруг на Лопез, Бен Афлек, во периодот од 1997 го 2000 година. Претходно, таа беше верена со Бред Пит со кого беше во врска од 1994 до 1997 година.

Во интервју дадено во 1998 година за списанието Movieline, Лопез изјавила дека Гвинет е попозната по врската со Бред Пит отколку по улогите во нејзините филмови.

„Кажете ми во што има глумено? Се колнам во Бог, не се сеќавам на ништо во коешто глумела. Некои луѓе стануваат популарни по асоцијација. Повеќе слушав за неа и Бред Пит отколку што сум слушнала за нејзината работа“ – изјавила Лопез.

Извор близок до парот рекол дека двете филмски ѕвезди сега се во добри односи.

Една година по интервјуто на Лопез, во 1999 година, Гвинет доби Оскар за Најдобра актерка во филмот „Shakespeare In Love“.