„Недостигаше само лежалка“: Дуа Липа се пошегува за претесниот фустан со кој едвај седна на Златен глобус
Дуа Липа ги насмеа фановите со видео од доделувањето на наградите Златен глобус.
Во него, 28-годишната пејачка едвај седнува на столчето со претесниот фустан од брендот Schiaparelli.
„Благодарам Златен глобус за преубавата вечер синоќа. Единственото нешто што недостигаше беше лежалка“ – напиша музичарката во објавата.
Црната креација со златни елементи била направена специјално за Липа во чест на нејзиниот лик „Барби сирена“ во филмот „Barbie“. Својот изглед, таа го надополни со накит од Tiffany & Co. и обувки од Jimmy Choo.
