„Недостасуваш... МНОГУ“: Ана Костадиновска со скршено срце 40 дена по смртта на Панчо од ДНК

Ана Костадиновска носи огромна тага поради прераната смрт на нејзините колеги и членови на бендот ДНК кои ги изгубија животите во пожарот во дискотеката „Пулс“.

Македонската пејачка сподели фотографии, кратка порака и скршено срце на денот кога се одбележуваа 40 дена од смртта на пејачот Владимир Блажев – Панчо.

„40 дена. Недостасуваш 😢... МНОГУ 💔 “ – стои во описот на албумот со заеднички фотографии на Instagram.

Панчо почина по 7-месечна битка со последиците од пожарот. Тој се лекуваше во болницата „Аџибадем Систина“ и иако имаше информации дека состојбата му се подобрува, за жал, неговиот живот згасна на средината од октомври.

Ана, која кобната вечер беше придружен вокал во „Пулс“, за среќа успеа да се спаси и сега не пропушта да одбележи ниту еден важен датум поврзан со нејзините покојни колеги.