„Не знаеш дали ќе се снајдеш, а знаеш дека животот би го дала за тоа мало прцучле“: Дариа Мандаровска искрено за првата недела како мајка
Дариа Мандаровска сподели емотивно видео од првата недела по раѓањето на ќеркичката.
Преку кратка видеокомпилација, сопругата на познатиот македонски јутјубер Мандар даде одговор на прашањето „Што ме прави среќна?“, па покажа дел од најнежните моменти од новото животно поглавје... првите мигови по породувањето, слатките дремки на малата Илина, како и прегратките со нејзиниот татко.
Во описот на видеото, Дариа искрено проговори за емоциите и предизвиците со кои се соочила во првите денови од мајчинството и нагласи дека периодот по породувањето не треба да биде табу тема.
„Една недела сум дома со ова мало џуџе❤️
Можам да кажам дека овие 7 дена се едни од најтешките, но воедно и најубавите денови од мојот живот. Емоциите и хормоните што ги поминува една жена после пораѓај можеби се табу тема, а не треба да бидат.
Еден момент чувствуваш паника и страв, следниот среќа и возбуда, сѐ ти е ново, не знаеш дали ќе се снајдеш, а знаеш дека животот би го дала за тоа мало прцучле🤗“ - напиша таа.