Не заборави на своите корени, па секој жител од селото каде израсна го направи МИЛИОНЕР

Обновено: Поради позитивноста на веста, стотици светски медиуми ја пренесоа веста за дарежливиот тестамент, но на крајот испадна дека нема вистина во неа.

Антонино Фернандез Родригез покажа дека не заборави од каде потекнува, оставајќи му по 2 милиони фунти на секој жител на селото во кое израсна.

Милијардерот, кој стоеше зад популарното пиво Corona, почина во август, а со својот тестамент им ги промени животите на 80 лица кои живеат во малото шпанско село во кое бил роден.

Антонино имал 12 браќа и сестри и во младоста живеел во сиромаштија. На 14-годишна возраст бил принуден да го прекине образованието, бидејќи неговите родители немале пари и тој морал да се занимава со земјоделство.

Неговиот живот започнал да се движи по нагорна линија откако се преселил во Мексико во 1949 година и започнал да работи во Grupo Modelo. Со напорна работа тој се искачил до врвот на хиерархијата и помогнал Corona да стане едно од најпознатите пива во светот.

Родното село на Антонино

И додека беше жив, Антонино беше познат како филантроп, а сега стана јасно дека неговата хуманост усреќува луѓе и по неговата смрт.