„Не сме расистичко семејство“: Принцот Вилијам со краток коментар на првиот настан со Кетрин по интервјуто на Хари и Меган

Интервјуто на Меган Маркл и принцот Хари со Опра Винфри привлече огромно внимание, особено поради обвинувањата за расизам. 39-годишната Војвотка сподели дека пред раѓањето на Арчи, имало разговори колку темна ќе биде неговата кожа и со тоа поттикна бројни дискусии.

Принцот Вилијам денес за првпат го прокоментира интервјуто. На прашањето дали кралското семејство е расистичко, тој накратко одговори „Ние не сме расистичко семејство“. Исто така, тој призна дека не бил во контакт со Хари по интервјуто, но дека планира да разговара со него.

Prince William says he hasn’t spoken to his brother yet but will do and they are “very much not a racist family”. pic.twitter.com/3j0AulDDOB

— Richard Palmer (@RoyalReporter) March 11, 2021

Вилијам беше придружуван од војвотката Кетрин при посетата на училиште по повод промовирањето на програма за менталното здравје на децата.

Војвотката од Кембриџ беше облечена во розово палто од Max & Co, џемпер од Boden и црни елегантни панталони.