„Не постои поголема љубов од мајчината“: Боки 13 со мајка си Јасмина дотерани на концерт во Белград
Бојан Јовановски не го пропушти големиот музички спектакл на легендарната Весна Змијанац во Белград.
Македонскиот водител, познат како Боки 13, на концертот пристигна во придружба на својата мајка Јасмина, која е неговата најголема поддршка во животот.
На социјалните мрежи, Боки сподели серија фотографии на кои двајцата позираат во впечатливи модни комбинации, а под објавата остави и емотивна порака посветена на најважната жена во неговиот живот.
„Не постои поголема љубов од мајчината. Една е МАЈКА“ – напиша тој.
Боки, кој отсекогаш е познат по својот ексцентричен и луксузен стил, за оваа пригода избра модерен костум во тиркизна нијанса. Стајлингот го заокружи со култната и екстремно ретка чанта Hermès Birkin, парче кое е многу значајно во светот на модата и вреди десетици илјади долари.
На социјалните мрежи неретко се пишува и за младоликиот изглед на неговата мајка. „Твојата мајка изгледа како да ти е сестра. Респект“ – стои во коментарите на едни од нивните заеднички фотографии.