„Не можев да замислам поубаво место и поубав начин“: Македонската убавица Татјана Јанушева се вери во Дубровник
По пет години исполнети со љубов, заеднички моменти и животни предизвици, Татјана Јанушева и нејзиниот партнер Давид започнуваат ново поглавје во нивната љубовна приказна.
Македонската убавица и нејзиниот избраник се верија во романтичниот Дубровник, каде што Давид ја запроси Татјана, приредувајќи ѝ изненадување кое долго ќе го памети.
Иако се заедно веќе пет години, Тати за Фемина признава дека воопшто не насетувала што подготвува нејзиниот сакан. Запросувањето дошло во момент кога најмалку го очекувала, а токму таа спонтаност ја направила целата приказна уште поспецијална.
„После 5 години заедно, искрено воопшто не очекував дека ќе се случи токму сега. ❤️ Бев запросена во Дубровник и мислам дека никогаш нема да го заборавам тој момент. Беше толку неочекувано, а можеби токму затоа и уште поубаво.
После толку години, толку заеднички моменти, убави и тешки денови, сега започнуваме едно ново поглавје заедно. Не можев да замислам поубаво место и поубав начин да се случи. ❤️“ - ни раскажа Тати.
Од незаборавното патување, Татјана и Давид ќе понесат спомен кој засекогаш ќе ги врзува со Дубровник. Градот на Јадранот стана местото на нивното големо „ДА“ и почетната точка на новото поглавје кое ќе го испишуваат заедно.
„Дубровник отсега засекогаш ќе има посебно значење за мене“ - дополни атрактивниот модел.
