Насмеана и шармантна: Војвотката Кетрин во зелено покрај принцот Вилијам за Денот на Св. Патрик

Војвотката Кетрин со широка насмевка шармираше на традиционалната парада на ирската гарда по повод Денот на Св. Патрик.

Како и секоја година за оваа пригода, 40-годишната претставничка на британското кралско семејство беше облечена во зелено од глава до пети.

Сопругата на принцот Вилијам носеше палто од Laura Green London и шапка и салонки во истата нијанса.

За време на церемонијата, војвотката од Кембриџ им врачи детелина на офицерите и чуварите, што е традиција која започнала уште во 1901 година.