Насмеана и расположена: Меган Маркл со принцот Хари на „Invictus Games“ во Диселдорф

Меган Маркл и принцот Хари ги проследија „Invictus Games“ во Диселдорф, Германија.

Парот, кој во 2020 година се дистанцираше од британското кралско семејство, изгледаше среќно на настанот посветен на на повредени или болни воени лица и ветерани.

На спортскиот хепенинг, 42-годишната Војвотка од Сасекс пристигна за рака со 38-годишниот принц, кој е основач на игрите. Таа носеше бел блејзер од J Crew, кој го искомбинира со кратки бели панталони, црна маичка и балетанки од Chanel.

Меган во целосно црн стајлинг навиваше за САД на натпреварот во кошарка со инвалидски колички против Франција. Таа беше во одлично расположение.

Принцот Хари ги основаше игрите „Invictus“ во 2014 година.