Сакате да ги изненадите вашите роднини или пријатели со креативен подарок за нивното бебенце? Обидете се да создадете сами торта од пелени.
Тортата од пелени е идеален подарок за штотуку родено бебенце, бидејќи на новите родители пелените никогаш не им се доволни. Сепак, вие можете да вметнете во тортата и играчки, бебешка опрема или облека по ваша желба, на пример шпикозни, лигавче, шишенце, тропалка, цуцла и сл.
Еве туторијали кои ќе ви помогнат да станете мајстор во создавање на креативни подароци за најмалите кои несомнено ќе им измамат насмевка на новите родители:
Торта од пелени во форма на замок
Подарете им на малите принцези или принцови магичен подарок во форма на замок.
Бебешка количка од пелени
Колкичката можете да ја наполните со дополнителни подароци.
Мини торта од пелени
Доколку сакате тортата од пелени да ја искористите како додаток на друг подарок, можете да ја направите во мини верзија, т.е. со помалку пелени. Декорирајте ја со лента во иста или слична боја на подарокот што сте го купиле.
Еве два туторијали како да ја направите основата, а потоа може да декорирате по ваша желба:
Совети:
- Измијте си ги рацете пред да започнете да правите што било со бебешки пелени;
- Доколку основата на која ги поставувате пелените не е чиста, обложете ја со чиста декоративна хартија;
- На крајот, завиткајте ја тортата во целофан за да го спречите собирањето на прашина и други бактерии на пелените.