„Најубавото девојче на светот“ се вери во Атина: Тилан Блондо му кажа ДА на саканиот и го покажа прстенот од 46 илјади долари

„Најубавото девојче на светот“ порасна и пред неколку дена се вери со саканиот во Грција.

Тилан Блондо, која на само 4-годишна возраст го освои светот со неодоливоста, го прифати предлогот за брак на Бенџамин Атал.

Запросувањето се случило додека парот престојувал во хотелот „Four Seasons Astir Palace“ во Атина.

Атал ја запросил 24-годишната убавица со дијамантски прстен од 46 илјади долари, а таа не пропушти да го покаже на социјалните мрежи.

„Му кажав ДА на мојот најдобар пријател“ – напиша таа.

Тилан на само 4-годишна возраст за првпат зачекори на модна писта, а две години подоцна беше прогласена за „најубаво девојче на светот“. Денес, таа успешно се пробива во модната индустрија и пред неколку дена присуствуваше на ревии во рамките на Париската модна недела.

Таму го покажа вереничкиот прстен, кој фоторепортерите не пропуштија да го овековечат со фотографии.