Најубавиот божиќен подарок: Маж не може да си ги задржи солзите кога сопругата ќе му каже дека е бремена
Емотивната реакција на маж на веста дека ќе стане татко растопи илјадници срца на интернет.
Во видеото, блогерката Рејчел Ерлс му соопштува на сопругот дека е бремена, снимајќи ја неговата реакција. На почетокот, таа покажува натписи со текст додека нејзиниот сакан седи покрај неа со капа над очите.
„Се молевме за овој ден и конечно пристигна. Го сакам овој човек со секое делче од себе и со нетрпение чекам да му соопштам дека ќе стане ТАТКО. Ти благодарам Господе за ова чудо“ – пишува на натписите кои Рејчел ги покажува пред да му даде на сопругот кутија во која пишува: „Среќен роденден Исус! Среќен Божиќ Тато!“.